जनकपुर टुडे

२०८१ फाल्गुन १०, शनिबार १७:४५

नेपाल सुपर लिग (एनएसएल) २०२५ का लागि आज ‘अक्सन’ भएको छ । ‘अक्सन’ भएसँगै प्रतियोगितामा सहभागी हुने टिमको संरचना लगभग तयार भएको छ । एनएसएल को तेस्रो संस्करणको अक्सनमा छ जना खेलाडीलाई सबैभन्दा अधिकतम बोली लागेको छ ।

‘क्याटेगोरी ए’ मा रहेका खेलाडीहरु मणि कुमार लामा, दिनेश हेन्जन, पासाङ लामा, आशिष गुरुङ, अभिषेक लिम्बु, जिलेस्पीजङ्ग कार्की, सुमित श्रेष्ठ र सन्तोष खत्री सबैभन्दा महँगो रुकम चार लाख रुपैयाँमा बिक्री भएका हुन् । यसमध्ये पासाङ लामा बाहेक सबै खेलाडीलाई एक भन्दा बढी टिमले राजेका थिए ।

काठमाण्डौले ‘लक्की ड्र’बाट दिनेश र जिलेस्पीजङ्गलाई पाउन सफल भयो भने चितवनले अभिषेक र सुमितलाई पायो । यस्तै मणि ललितपुर, आशिष झापाले ‘लक्की ड्र’बाट पायो । पासाङका लागि भने धनगढीले मात्र अधिकतम चार लाख रुपैयाँ दिन तयार भएको थियो ।

‘क्याटेगोरी ए’ मा रहेका खेलाडीको न्युनतम मूल्य दुई लाख र अधिकतम चार लाख रुपैयाँसम्म थियो । त्यसमा यी खेलाडीलाई अधिकतम बोली लागेको थियो । ‘क्याटेगोरी ए’ मा रहेका भरत खवास, विकेश कुथु, दिप कार्की र विशाल सुनार तथा क्याटेगोरी ‘बी’ मा रहेका नवयुग श्रेष्ठलाई कुनै टिमले किनेनन् ।

‘क्याटेगोरी ए’ बाट पहिलो चरणमा ११ खेलाडी बिक्दा आठ जना खेलाडीले अधिकतम मूल्य पाए । ‘क्याटेगोरी ए’ बाट बिक्री हुने अन्य खेलाडीमा विवेक पौडेल, सुरज ज्यु ठकुरी र प्रदिप लामा रहेका छन् । ‘क्याटेगोरी बी’ मा रहेका खेलाडीको न्युनतम मूल्य एक लाख ५० हजार र अधिकतम मूल्य दुई लाख रुपैयाँ थियो ।

चैतमा हुने प्रतियोगितामा सात टिमको सहभागिता रहनेछ । त्यसमा डिफेन्डिङ च्याम्पियन ललितपुर सिटी एफसी, काठमाण्डौ रेजर्स, धनगढी एफसी, झापा एफसी, एफसी चितवन, पोखरा थन्डर्स र बुटवल–लुम्बिनी रहेका छन् । नेपाली फुटबलमा ‘अक्सन’ को आयोजना भएको यो नै पहिलो पटक हो । ‘अक्सन’ मा ६० जना खेलाडी राखिएको छ । त्यसमध्ये ‘क्याटेगोरी ए’ का १५ र ‘क्याटेगोरी बी’ का ४५ का खेलाडी रहेका थिए । ‘क्याटेगोरी सी’ मा पर्ने खेलाडीको भने पछि ‘ड्राफ्ट’ बाट निर्णय गरिने छ ।

अहिलेसम्म लगभग सबै टिमले आफ्ना मार्की र कप्तान खेलाडीको नाम घोषणा गरिसकेका छन् । यस्तै मुख्य प्रशिक्षकको नाम पनि लगभग सबै टिमले घोषणा गरिसकेका छन् । हरेक टिमले केही खेलाडी फर्ता गरिसकेको छ । कुल २१ खेलाडी भने बिक्री भएनन् । अब विदेशी खेलाडी, विदेशमा रहेका नेपाली खेलाडी र ‘ट्यालेन्ट हन्ट’ बाट पनि खेलाडी छनोट हुन बाँकी रहेको छ । बिक्री नभएका खेलाडी ‘विस लिस्ट’ को माध्यमबाट टिमले रोजेका थिए ।

काठमाण्डाै रेजर्स

मार्की प्लेअर : रोहन कार्की

रिटेन : दिपेश गुरुङ, कुलदिप कार्की, अभिषेक बराल

अक्सन:

क्याटेगोरी ए  :  दिनेश हेन्जन, जिलेस्पी जंग कार्की

क्याटेगोरी बी :  आशिष चापागाईँ, कमल श्रेष्ठ, दिवाकर चौधरी, अन्जल महर्जन

पोखरा थण्डर्स

मार्की प्लेअर :  समिर तामाङ

रिटेन : आयुष घलान, पदम भट्टराई, नरेन्द्र चौधरी

अक्सन:

क्याटेगोरी ए  :  सुरज ज्यु ठकुरी,

क्याटेगोरी बी :  राम थापा, चन्दन दास, विशाल तामाङ, कृशल मोक्तान, एकराज बुढाथोकी

धनगढी एफसी

मार्की प्लेअर : कृतिश रत्न छुन्जु

रिटेन : देवेन्द्र तामाङ, रनदिप पौडेल, रामचन्द्र वाजी

अक्सन:

क्याटेगोरी ए  :  पासाङ लामा, विवेक पौडेल

क्याटेगोरी बी :  जर्ज प्रिन्स कार्की, प्रशान्त लक्षम, अशोक खवास, जियारथ शेख (विसलिस्ट)

एफसी चितवन

मार्की प्लेअर : अन्जन विष्ट

रिटेन : विशाल श्रेष्ठ, छिरिङ गुरुङ, रोशन राना मगर

अक्सन:

क्याटेगोरी ए  :  अभिषेक लिम्बु, सुमित श्रेष्ठ

क्याटेगोरी बी :  मिलन राई, शिशिर लेखी, जय गुरुङ, निरज चौधरी (विसलिस्ट)

 बुटवल लुम्बिनी एफसी

मार्की प्लेअर : मनिष डाँगी

रिटेन : एरिक विष्ट, सरोज तामाङ, निराजन धामी

अक्सन:

क्याटेगोरी ए  :  प्रदिप लामा, दिप कार्की (विसलिस्ट)

क्याटेगोरी बी  :  फत्तेमान घले, विमल पाण्डे, टिकेन्द्र थापा, सन्दीप कार्की (विसलिस्ट)

ललितपुर सिटी एफसी

मार्की प्लेअर : अनन्त तामाङ

रिटेन : सनिश श्रेष्ठ, आदित्य शाक्य

अक्सन:

क्याटेगोरी ए  :  मणि कुमार लामा, सन्तोष खत्री

क्याटेगोरी बी : सुदिप गुरुङ ,  योगेश गुरुङ, नविन लामा, अभिषेक वाइवा, समित श्रेष्ठ

झापा एफसी

मार्की प्लेअर : घोषणा हुन बाँकी

रिटेन : छिरिङ लामा

अक्सन:

क्याटेगोरी ए  : आशिष गुरुङ

क्याटेगोरी बी :  अभिनाश स्याङ्गता, दिपेश धिमाल, अन्जल श्रेष्ठ, रोशन पहारी, दिपेन्द्र विक, उज्वल राई (विसलिस्ट)